2 مشترك

خطه الثقه

صاحبه العيون الباكيه: مشرفة عامة; عدد الرسائل : 1101
العمر : 44
$uhx :
السٌّمعَة : 0
تاريخ التسجيل : 14/07/2008

مساهمة رقم 1

خطه الثقه

من طرف صاحبه العيون الباكيه 2008-12-18, 19:54

بسم الله الرحمن الرحيم

السلام عليكم ورحمة الله وبركاته

خطّــة الثقــة
الجـزء الأول

السعادة.. وراحة البال
هل ساعات بتحس إنك أقل كفاءة من شخص معين؟
هل ده بيديك نقص في الثقة؟؟
هل جربت الإحساس ده فعلا؟؟
هل عندك ثقة تامة في ذاتك؟ ولاّ ساعات الثقة دي بتخونك؟
بيحصل ساعات مش كده؟
تعالوا نعرف القصة من أولها*******

الثقة
الثقة في النفس مش ثابتة وغالبا بتتأثر بالظروف اللي حوالينا
يعني مثلا صحيت من النوم لاقيت الجو كويس ولاقيت تقدير من والديك.. شريك حياتك.. جيرانك.. ولاقيت الناس كلها مبتسمة في وشك
أكيد هتشعر بالثقة وإنت نازل من بيتكم.. صح؟
لأنك هتحس إن لك دور مهم في حياة الناس دي
لكن لو نزلت لاقيت واحد طرطش مية من الدور السابع وإنت ماشي في الشارع
هيكون إحساسك إيه؟ هل ثقتك هتفضل زي ما هي؟؟
أحمد كان متعود يروح النادي كل يوم يلعب اسكواش
وكان بيغلب كل منافسيه وكان ده مصدر فخره
لكن في يوم حصلت له إصابة في الرباط الصليبي
والدكتور نصحه مايمارسش الرياضة دي تاني
هل لما يقابل الناس اللي كانوا بينافسوه في الاسكواش
هل هيتعامل معاهم بثقة زي الأول؟*******

كيف تزيد الثقة في ذاتك؟
أولا لازم نعرف إن الثقة دي مش ثابتة زي ما قلنا
يعني الطبيعي إن ثقتك النهارده مش زي بكره مش زي بعده
المعدل بيطلع وينزل.. ده الشيء الطبيعي
اللي احنا بنعمله هو إن الثقة دي تبقى مرتفعة طول الوقت
ممكن تنخفض شوية.. ساعتها تنفذ الخطوات اللي هنقول عليها دي
*******
التكلم مع الذات
العقل الباطن عامل زي جهاز الكمبيوتر بالضبط
أي معلومات بتديها ليه بيتبرمج عليها ويتصرف على أساسها
كرر جواك الجملة دي: أنا فرحان.. أنا سعيد.. أنا طاير من الفرحة
راقب إحساسك.. حاسس بإيه؟
أكيد حاسس بشوية انبساط.. وممكن كمان تكون ابتسمت
القصة هي إن أي حاجة بنقولها أو بنرددها العقل الباطن بيتبرمج عليها لا إراديا ويتصرف على أساسها
يعني لو كنت في حياتك بتكرر كلمة: أنا فاشل.. انا غير كفء.. أنا مش نافع
العقل الباطن مش هيخذلك وهينفذ ليك الأوامر دي بالحرف
بعد ما تقول كلمة (أنا....) احذر من الكلمة اللي جاية بعدها
لأنها بتعتبر أمر للعقل الباطن إنه ينفذها ويقرنها بشخصيتك
ماتكررش إنك عديم الكفاءة والخبرة والحاجات دي
لأن الكلمات دي نفسها هي السبب في انعدام الثقة
استبدلها بحاجات إيجابية سواء في كلامك مع الناس أو كلامك بينك وبين نفسك
استبدلها بحاجات زي: أنا واثق من نفسي.. أنا أستحق.. أنا قوي
ولاحظ تأثيرها في أي موقف
..أهم حاجة إنك تدي نفسك تأكيدات لغوية تديك ثقة في نفسك
*******
التقديـــر
كلنا محتاجين للتقدير.. فاكر لما كانوا بيصفقوا لك في الفصل؟
فاكر لما نجحت وأهلك كانوا فرحانين بيك؟
إحساس رائع مش كده؟
كتير مننا الدافع الرئيسي وراء حياتهم هو البحث عن التقدير
عايزين الناس تحترمنا -تفخر بينا- تعجب بينا طول الوقت.. صح؟
طيب.. ده شيء جميل جدا ومطلوب.. لكن فيه مشكلة بقى
ماذا لو لم تجد التقدير المطلوب بعد أن أنجزت شيئا مهما؟
ماذا لو توقف أحدهم عن تشجيعك ومساندتك؟
هل ستستمر في الإنجاز والنجاح بنفس الدرجة؟
هي دي المشكلة.. إنك بكده تكون ربطت نجاحك بظروف خارجية مالكش تأثير عليها
بقيت كده عامل زي الريشة في مهب الريح.. تجيبك شمال تجيبك يمين
!!مطرح تقدير الناس ما يوديك
لو توقف التقدير من الآخرين ممكن تتوقف عن الإنجاز وتفقد الثقة في نفسك
طيب إيه العمل بقى في المعضلة دي؟
فيه حل عبقري يعتبر خدعة للعقل الباطن عشان يخليك ماتحتاجش التقدير من الآخرين
وزي ما إنتم عارفين, فيه طرق بنخدع بيها العقل الباطن عشان يخلينا نحس بالأحاسيس اللي احنا نقررها.. إنتم لسه شفتم حاجة؟
طريقة خداع العقل الباطن كي نتوقف عن طلب التقدير الذاتي من الآخرين
الطريقة دي بسيطة جدا وهتخليك يبقى عندك اكتفاء ذاتي من التقدير
ومش هتكون محتاج تشجيع طول الوقت من حد *******

خطه الثقه N2K19243

bachir MCA

bachir MCA: عضو نبضي; عدد الرسائل : 1191
العمر : 37
$uhx :
السٌّمعَة : 0
تاريخ التسجيل : 13/10/2008

مساهمة رقم 2

رد: خطه الثقه

من طرف bachir MCA 2008-12-18, 20:04

موضوع جي أختي صاحبة العيون الباكية وبارك الله فيك على كل هده التوضيحات

صاحبه العيون الباكيه

صاحبه العيون الباكيه: مشرفة عامة; عدد الرسائل : 1101
العمر : 44
$uhx :
السٌّمعَة : 0
تاريخ التسجيل : 14/07/2008

مساهمة رقم 3

رد: خطه الثقه

من طرف صاحبه العيون الباكيه 2008-12-18, 20:14

شكرا اخي علي المرور