جيتك يالبحر غير باش تصبرني ساع رجعت انا نصبر فيك
راني حاس بحالك راك غايضني راني حاس بلي راه صاري بيك
ملي راح الصيف وجات الشتاء بقيت وحداني الغزلان اليوم كل هجرت عليك
ماشي غير انت يالبحر الي راك تعاني حتى انا الحقرة هي الي جابتني ليك
حتى انا حبيب قلبي راح وخلاني وانسى بلي كان معايا في الحب شريك
مازلت نتفكر في الي راح وخلاني ولو نعيدلك يالبحر همي في همك نسيك
قابض الورقة نكتب الدمعة في عياني ويالي بكيتي هاد القلب دور الدنيا ونبكيك
جيتي وشكيتيلي قلبك مليان عليا رحتي ونسيتيني كي هدرولك فيا
واليوم جاية تلوميني وتعذبي فيا اليوم كي راح الحال مشفقتي يالغزال
خليتي جرحي طال الايام دارت عليا خليتيني دلال في زنقة لهبال
عايش في الخيال واليوم وليتي ليا
نهار كيما تلاقينا عينك جات في عيني ملكتيني بكلمة حنينة بغيتك وبغيتيني
جازت الايام الزينة واليوم جاية تلوميني
رحتي وقلتي مكتوب خليتيني مكسور خليتيني مغلوب وحشك طال عليا
بقيت في حبك نذوب ليل ونهار متعوب واليوم كي قدرت نتوب بغيت نرتاح شوية
حبنا ضاع خسارة خلى حلاوة ومرارة حبنا ضاع خسارة خلى في القلب امارة
شحال كنت مسرارة بعيونك سحارة خليتي حبنا هايم حتى نساتو لعوام فاتت كي لمنام
يا الدنيا شحال غدارة كنت عايش في الاوهام ونحلم بالغرام عايش بالانغام حتى كويتيني جهارة
لوكان بغات الاقدار مشيتي في ضلي اليوم راكي في الدار وانت هي حبي لكن صار الي صار وعفست على قلبي ضيعت عليك النوم وليت نسكن في الضلام انا منك محروم ومن بعيد شتقت السلام علبالي حبنا مضلوم الحسود وقفت قدامو هكدا زهرنا مخدوم غرامنا ذبالت ايامو
*
*
*
*
*
